چەليابىدە وتكەن XIV فورۋمنىڭ قورىتىندىسىندا شقو مەن التاي ءوڭىرى اراسىندا تۋريزم سالاسىنداعى ىنتىماقتاستىق تۋرالى مەموراندۋمعا قول قويىلدى. ايماقارالىق فورۋم اياسىندا وتكەن پلەنارلى وتىرىستا شقو اكىمى دانيال احمەتوۆ وبلىستىڭ ارقاشان كونسترۋكتيۆتى سۇحباتقا اشىق جانە بارلىق باعىت بويىنشا ءوزارا ءتيىمدى سەرىكتەستىك قارىم-قاتىناس ورناتۋعا دايىن ەكەندىگىن باسا ايتتى.
«وبلىستىڭ كيەلى جەرلەرىنىڭ ءتىزىمى جاسالدى. وعان ءۇش ءدىن – يسلام, حريستيان, ءبۋدديزمنىڭ باسى بىرىككەن ابىلايكيت قورعانى, ەۋرازيا كەڭىستىگىنىڭ كىندىگى – مۇزتاۋ شىڭى كىردى. سونىمەن قاتار, ايماقتىڭ مول مادەني مۇراسىنىڭ ايعاعى بولماق ادەبي بەلدەۋ جوباسى جۇزەگە اسۋدا. كيەلى جەرلەرگە ۇيىمداستىرىلعان تۋريستىك باعدارلار تەك قازاقستاندىق ەمەس, سونداي-اق, رەسەيلىك تۋريستەردى دە قىزىقتىراتىنى ءسوزسىز», - دەدى القالى جيىندا دانيال احمەتوۆ
ءوز كەزەگىندە التاي ولكەسىنىڭ گۋبەرناتورى الەكساندر كارلين جۋرناليستەرگە بەرگەن سۇحباتىندا شىعىس قازاقستانمەن ەكونوميكالىق جانە مادەني باعىتتا بەرىك قارىم-قاتىناس ورناعانىن جانە ونى تاعى ءبىر مارتە مەموراندۋمعا قول قويۋ ارقىلى نىقتاي تۇسكەندىگىن جەتكىزدى.
ازامات قاسىم,
«ەگەمەن قازاقستان»
شىعىس قازاقستان وبلىسى
